VIDEOCLIP
A música concede aos artistas o poder de contar historias infinitas. As súas letras abren portas que deixan entrever os seus sentimentos máis íntimos...
e sacan á luz os nosos.
Se xuntamos o son coa imaxe, as vivenzas narradas cobrarán vida e serán máis intensas as emocións espertadas.
Animádesvos a darlle vida ao voso proxecto?
VODAS
Queremos contar a vosa historia dunha forma diferente. Coma se só existísedes vós e os vosos. E nada máis.
Non nos gusta o convencional. Non nos gustan as poses, os sorrisos forzados, as emocións provocadas.
Gústanos poder lembrar eses nervios mentres che abrochaban o vestido. As bágoas cando te viron por primeira vez. O abrazo sincero dos vosos mellores amigos. O sorriso nervioso cando te viu aparecer. E o bico que lle deches para que se calmase. A vosa complicidade e o voso amor sincero. A calor da vosa familia. E, como non, as ganas de vivir ese día coma se fose o último.
Que non vos deades conta de que estamos aí pero, en realidade, estaremos en cada momento.
PREVODA
Moitas personas, entre as que nos incluímos, sinten un pouquiño de vergoña ao porse diante da cámara... e máis se se trata de facer o ganso ou de rirse a gargalladas!
Por iso, a nós, encántannos os vídeos de prevoda. Non só polo feito de axudarvos a que vos soltedes diante da lente, senón porque tamén son unha marabillosa oportunidade para coñecervos e descubrir a vosa historia.
POSTVODA
Sen dúbida, Galicia ofrécenos infinidade de posibilidades, xa que moi facilmente podemos pasar da montaña ao mar, do verde máis profundo ao azul máis intenso, que combinan ás mil maravillas cun vestido de noiva.
Contar unha historia así só dependerá das ganas, o interés ou, incluso, a valentía de cada parella.
Atrevédesvos?
